Rote Armee

Die Rooti Arbäiter- und Buurearmee (russisch Рабоче-крестьянская Красная армия (РККА)/Rabotsche-krestjanskaja Krasnaja armija (RKKA), churz russisch Красная армия (КА) Rote Armee (RA)) isch dr Naame für d Landarmee und d Luftstritchreft vo Sowjetrussland bzw. vo 1922 aa vo dr Sowjetunioon gsi. Si isch grad noch dr Oktooberrevoluzioon ufgstellt worde, wo d Bolschewike en Armee für e Russisch Bürgerchrieg brucht häi, wo gege d Milidäärverbänd vo iire Gegner kämpft häi, bsundrigs gege d Grubbe, wo as Wissi Armee bekannt worde si. Sit em Februar 1946 het die Rooti Armee, wo zämme mit dr sowjetische Mariine dr Hauptbestanddäil vo de Stritchreft vo dr Sowjetunioon gsi isch, offiziell Sowjetarmee (russisch Советская армия (СА)/Sowjetskaja armija) ghäisse.

Zwaar het die Rooti Armee – bzw. vo 1946 aa d Sowjetarmee – wo us dr Landarmee, de Luftstritchreft, dr Luftverdäidigung (vo 1948 aa)^[1] und vo 1960 aa die strateegische Rageetedrubbe umfasst, si bäidi Begriff vilmol für alli sowjetische Stritchreft brucht worde.

Wo sich 1991 d Sowjetunioon ufglööst het, het Russland dr grösst Däil vo dr personelle und materielle Usstattig vo dr Sowjetarmee und de üübrige sowjetische Stritchreft übernoo^[2] und mit ene die Russische Stritchreft bildet.

1. ↑ Friedrich Wiener: Fremde Heere. Der Warschauer Pakt. 6. Uflaag, Wien 1974, S. 57.
2. ↑ Brian D. Taylor: Politics and the Russian army. S. 259.